Manhunt

1978 ခုနှစ်ကစပြီး အမေရိကန်နိုင်ငံမှာ စာပို့စနစ်ကို အသုံးပြုပြီး အကြမ်းဖက်ဖောက်ခွဲတဲ့ ဖြစ်စဉ်တွေ ဆက်တိုက်ဖြစ်လာတယ်။ အဲ့ဒီဖြစ်စဉ်တွေ အကုန်လုံးကို လူတစ်ယောက်တည်းကပဲ ကြိုးကိုင်နေတယ်ဆိုတာကို သိရပေမယ့် သူဟာဘယ်သူလည်း ဘာကြောင့်မို့ ဒီလိုမျိုးလုပ်ရပ်တွေကို လုပ်နေတာလဲဆိုတာ အမေရိကန်နိုင်ငံရဲ့ အတော်ဆုံးစုံစမ်းစစ်ဆေးရေးဌာနဖြစ်တဲ့ FBI တောင်မှ မဖော်ထုတ်နိုင်ခဲ့ပါဘူး။ အဲ့ဒီနောက်မှာတော့ အဲ့ဒီ ဗုံးသမားဟာရုတ်တရက်ဆိုသလိုပဲ ပျောက်သွားတယ်။ ဘာဗုံးကွဲမှုမှ ဆက်မဖြစ်တော့ဘူး။ ဘာသဲလွန်စမှမကျန် ဘာသံမှ မကြားရဘဲ ပျောက်သွားတယ်။ လူတွေဟာလည်း ဒီလူသေသွားပြီလို့ ယုံကြည်သွားတယ်။ ဒီလိုနဲ့ နှစ်ပေါင်းအတော်ကြာပြီး ၁၉၉၅ မှာ အဲ့ဒီ ဗုံးသမားဟာ သူပုံစံအတိုင်း စာတိုက်ကနေတစ်ဆင့်ဗုံးတွေပို့ ၊ဖောက်ခွဲပြီး ပြန်ပေါ်လာတယ်။ဒီတစ်ခေါက်မှာတော့ သူဟာ စာလုံးရေ “၃၅၀၀၀” ပါတဲ့ ကြေညာစာတမ်းတစ်ခုကို New York Time သတင်းစာကို ပို့ပြီး လူတွေလက်ခံထားတဲ့ ယုံကြည်ထားတဲ့ စနစ်ကြီး တစ်ခုလုံးကို မေးခွန်းတွေ မေးပြီး စိမ်ခါ်လာတယ်။ ဒီလူဟာ ဘယ်သူလဲ ၊သူဘာကြောင့် ဒီလိုတွေလုပ်နေတာလဲ ၊သူ့အတွေးအခေါ်ဟာ ဘာလဲ၊ FBI ကရော ဒီလူကို ဖမ်းမိပါ့မလား။