라이어게임

နမ်ဒါဂျောင်းဆိုတဲ့ကောင်မလေးက ကံမကောင်းအကြောင်းမလှစွာနဲ့ အကြွေးနစ်နေတဲ့အဖေဖြစ်သူကထွက်ပြေးသွားတာကြောင့်ကျောင်းထွက် အချိန်ပိုင်းအလုပ်တွေတစ်ပုံတစ်ပင်လုပ်ပြီးတော့ အဖေဖြစ်သူရဲ့အကြွေးတွေကိုဆပ်ပေးနေရသူလေးပေါ့။တစ်နေ့အလုပ်သွားတဲ့လမ်းမှာ အဘွားအိုတစ်ယောက်ကိုကူညီပေးရာကလူလိမ်ဂိမ်းလို့ခေါ်တဲ့ အမြင့်ဆုံးဆုကြေးငွေ $ 10 million အထိပေးမယ့် Survival game show တစ်ခုမှာပါဝင်ဖို့ဖြစ်ခဲ့ပါတယ်။ လူလိမ်ဂိမ်းဆိုတာက ပရိတ်သတ်ရဲ့မဲပေးရွေးချယ်မှုနဲ့ပါဝင်ယှဉ်ပြိုင်ခွင့်ရတဲ့ ပြိုင်ပွဲဝင်တွေအချင်းချင်း နည်းလမ်းမျိုးစုံနဲ့လှည့်စားပြီးတော့ပိုက်ဆံလိမ်ယူရတဲ့ဂိမ်းပါ။ အဲဒီဂိမ်းကိုဖန်တီးခဲ့တဲ့သူကတော့ ဂန်ဒိုယောင်းလို့ခေါ်တဲ့ အောင်မြင်တဲ့ (ငွေကြေးဆန်းစစ်သူ) တစ်ဦးပဲဖြစ်ပါတယ်။သူပိုင်ဆိုင်ထားတဲ့ ငွေကြေး၊အာဏာနဲ့ လူတွေကိုခြယ်လှယ်ချင်သူတစ်ဦးပေါ့။အချိန်ပိုင်းလုပ်အားခ တစ်နာရီကို ဝမ် ၅၀၀၀ပဲရတဲ့ နမ်ဒါဂျောင်းကအမြင့်ဆုံးဆုကြေးငွေ $ 10 million ရဖို့အတွက် ဂိမ်းကိုဘယ်လိုယှဉ်ပြိုင်ဆော့ကစားမလဲ။