အန်နာက အွန်လိုင်းအရောင်းလုပ်ငန်းမှာအလုပ်လုပ်ပါတယ်၊ အလိုဆန္ဒများလွန်းတဲ့မိသားစုကိုထောက်ပံ့နေရတဲ့အတွက် သူ့ဝင်ငွေဟာ ဘယ်တော့မှလောက်ငတယ်မရှိသလို အိမ်လခပေးဖို့ပါနောက်ကျတဲ့အထိဖြစ်လေ့ရှိပါတယ်။ ဒါပေမယ့် သဘောကောင်းသူ အေးချမ်းတည်ငြိမ်သူတစ်ဦးလို့ပတ်ဝန်းကျင်ရော မိတ်ဆွေတွေကပါ အသိအမှတ်ပြုထားကြပြီး လူချစ်လူခင်များ မုန်းတဲ့သူမရှိသလောက်ပါ။ တစ်နေ့မှာတော့ အန်နာ အသတ်ခံလိုက်ရပါတယ်။ သူ့ငှားနေတဲ့အိပ်ခန်းရဲ့ အိပ်ယာပေါ်မှာမျက်နှာကို ကျွတ်ကျွတ်အိတ်အနက်နဲ့စွပ်ပြီး မှောက်ရက်အနေအထားနဲ့သေဆုံးနေတာပါ။ ဒီအမှုကို ထဲထဲ ဝင်ဝင်စုံစမ်းဖို့ဖြစ်လာတဲ့အခါ တာဝန်ရှိသူတွေဟာ သူနဲ့ အနီးအပါးက အိမ်ရှင်အမျိုးသမီး၊ အိမ်ဖော်၊ အတူနေသူ ငယ်ချင်း၊ ရုံးက လုပ်ဖော်ကိုင်ဖက်စတဲ့သူတွေကို မေးစမ်းရင်း သူ့ဘဝကို တစ်ဖြည်းဖြည်းသိမြင်လာရပါတော့တယ်။ သဘောကောင်းအေးချမ်းလွန်းတဲ့ အန်နာ၊ မုန်းတဲ့သူမရှိလူချစ်လူခင်များတဲ့အန်နာကို ဘယ်လိုလူက ဒီလိုလုပ်သွား ရက်တာလဲ၊ ဒါမှမဟုတ် သူတို့မမြင်နိုင်တဲ့ မသိခဲ့တဲ့ အန်နာရဲ့ တစ်ခြားသောမျက်နှာစာ တစ်ခုများရှိနေဦးမှာလား…?
Amazon Video HD
