Hypnotic

ဒီဇာတ်ကားကတော့ အိပ်မွေ့ချခံထားရတဲ့အမျိုးသမီးတစ်ယောက်ရဲ့ ကြောက်မက်ဖွယ်ရာအတွေ့အကြုံတွေ အန္တရာယ်တွေအကြောင်းကို သည်းထိတ်ရင်ဖိုကြည့်ရူရမယ့်ဇာတ်ကားပါ ဂျန်ဟာ ကလေးနဲ့ခင်ပွန်းလောင်းကိုဆုံးရူံးခဲ့ရတဲ့အတွက် စိတ်ဒဏ်ရာကိုခံစားနေရတဲ့သူပါ သူ့သူငယ်ချင်းရဲ့အကြံပြုချက်အတိုင်း ဒေါက်တာမီးလ်နဲ့ ဆွေးနွေးတိုင်ပင်ဖို့သွားခဲ့ပါတယ် ဒေါက်တာမီးလ်နဲ့ အိပ်မွေ့ချကုထုံးသုံးပြီး ကုသမှုခံယူပြီးတဲ့နောက်မှာ ဂျန်ရဲ့စိတ်တွေဟာ ပုံမှန်မဟုတ်တော့ဘဲ သူ့ကိုယ်သူ ဘယ်နေရာရောက်နေမှန်းမသိတော့တာတွေ အချိန်တွေအလိုလိုကုန်သွားတာတွေကို သတိထားမိလာပါတယ်တစ်ပြိုင်နက်တည်းမှာပဲ ဒေါက်တာမီးလ်နဲ့ကုသမှုခံယူခဲ့တဲ့ အမျိုးသမီးတစ်ယောက် ထူးဆန်းဖွယ်သေဆုံးသွားတာကို ဂျန်သိခဲ့လိုက်ရပါတယ် ဒီအကြောင်းကိုစုံစမ်းရင်း ဂျန်က သူ့ရဲ့ကုထုံးဆရာကိုသံသယတွေဝင်လာခဲ့ပါတယ် ဒါပေမယ့် အဲဒီအချိန်မှာ ဒေါက်တာမီးလ်က ဂျန်ရဲ့စိတ်ကိုအပြည့်အဝထိန်းချုပ်နိုင်ခဲ့ပါပြီ ဂျန်ကို ဒေါက်တာမီးလ်က ဘယ်လိုတွေထိန်းချုပ်နိုင်ပြီး ဘယ်လိုမကောင်းတဲ့အရာတွေလုပ်ခိုင်းမလဲ ဒေါက်တာမီးလ်ရဲ့သရုပ်မှန်ကဘာလဲဆိုတာ စိတ်လှုပ်ရှားဖွယ်စောင့်ကြည့်ရမယ့်ဇာတ်ကားဖြစ်လို့တင်ဆက်ပေးလိုက်ပါတယ်