In the Heights

နယူးယောက်မြို့ကြီးက ဝါရှင်တန်ဟိုက်စ်ဆိုတဲ့ နေရာလေးမှာ ဒိုမီနီကန်နိုင်ငံကရှေ့ အလုပ်လာလုပ်ကြသူတွေ၊ အခြေချကြသူတွေ နေထိုင်ကြပါတယ်။ ဒီလူတွေက အိပ်မက်တွေကိုယ်စီနဲ့ ဘဝတွေကိုဖြတ်သန်းနေကြတာပေါ့။ ဒီအထဲမှာ အူစနာဗီဆိုတဲ့ လူငယ်တစ်ယောက်လည်း အပါအဝင်ပါ။ သူ့အိပ် မက်ကတော့ သူ့မွေးရပ်မြေက သူ့အဖေပိုင်ခဲ့တဲ့အိမ်လေးဆီကို ပြန်ပြီးအခြေချချင်တာ။ လက်ရှိတော့ သူ့ညီဝမ်းကွဲနဲ့အတူ မိဘတွေအမွေထားခဲ့တဲ့ စတိုးဆိုင်လေးဖွင့်ထားတယ်။အူစနာဗီ သဘောကျနေတဲ့ ကောင်မလေးက ဗန်နတ်ဆာ၊ လက်ရှိအလှပြင်ဆိုင်မှာ အလုပ်လုပ်နေပေမဲ့ သူ့အိပ်မက်က ဒီဇိုင်နာတစ်ယောက်ဖြစ်ချင်တာ။ အူစနာဗီရဲ့ညီမလေးလိုခင်ရတဲ့ ကောင်မလေးက ဒီပတ်ဝန်းကျင်တစ်ခုလုံးမှာ အတော်ဆုံးဆိုပြီးလက်ခံထားကြတဲ့၊ ပထမဆုံးကောလိပ်တက်ခွင့်ရတဲ့ နီနာဆိုတဲ့ကောင်မလေး။ အူစနာဗီရဲ့သူငယ်ချင်း ဘန်နီကတော့ နီနာရဲ့အဖေဆီမှာ အလုပ်လုပ်ပြီး သူဌေးရဲ့သမီးကိုကြိတ်ကြွေနေတဲ့သူပေါ့။ဒီလူငယ်လေး ၄ ယောက်ကိုဗဟိုပြုပြီး ဝါရှင်တန်ဟိုက်စ်ဆိုတဲ့ နေရာလေးရဲ့ ပျော်ရွှင်မှုတွေ၊ နာကျင်မှုတွေ၊ နွေးထွေးမှုတွေ၊ ဖေးမမှုတွေကို ရိုက်ကူးတင်ဆက်ထားတဲ့ ဇာတ်လမ်းကောင်းလေးတစ်ပုဒ်ဖြစ်ပါတယ်။