The Hand That Robs the Cradle

ဇာတ်လမ်းလေးကတော့ ဒယ်လွန်ဒရာဟာ အချိန်ပိုင်းကလေးထိန်းအလုပ်ကိုလုပ်နေတဲ့ဆေးကျောင်းသူလေးတစ်ယောက်ပါ။ တစ်နေ့မှာတော့ သူဟာ မစ္စတက်ဘ်စ်ရဲ့ထပ်ခိုးခန်းကိုပြောင်းလာခဲ့ပြီး သူအရင်ကလေးထိန်းလုပ်ခဲ့တဲ့မိသားစုက အိမ်ပြောင်းတော့မှာဖြစ်တဲ့အတွက် အလုပ်တစ်ခုအမြန်လိုနေခဲ့ပါတယ်။ ဒီလိုနဲ့ မစ္စတက်ဘ်စ်နဲ့စကားပြောရင်းမစ္စတက်ဘ်စ်ရဲ့အိမ်မှာရှိတဲ့ ဒန်နီဆိုတဲ့ကလေးကိုထိန်းဖို့ အကြောင်းဖန်လာခဲ့ပါတယ်။ ဒန်နီက လွန်ခဲ့တဲ့၇ နှစ်လောက်က ပြန်ပေးဆွဲခံရဖူးပါတယ်။ ဒါပေမဲ့ ဘယ်သူကပြန်ပေးဆွဲခဲ့လဲဆိုတာ မသိခဲ့ရပါဘူး။ ဒယ်လွန်ဒရာဟာ ဒန်နီရဲ့အကြောင်းတွေကို သိလိုက်ရတော့ ဒန်နီအပေါ်မှာ ပိုပြီးဂရုစိုက်ပေးခဲ့ပါတယ်။ တစ်နေ့မှာ သူက ဒန်နီနဲ့အတူပန်းခြံထဲမှာ တူတူပုန်းတမ်းဆော့နေရင်း ဒန်နီက ထူးဆန်းတဲ့ သူစိမ်းအမျိုးသမီးတစ်ယောက်နဲ့အတူရှိနေတာကို တွေ့လိုက်ရတော့ အရမ်းစိတ်ပူသွားခဲ့ပါတယ်။ ဒါပေမဲ့ သူက ဒယ်လွန်ဒရာကို ဒုက္ခပေးဖို့မဟုတ်ပဲ ဒန်နီဆိုတဲ့ကလေးဟာ လွန်ခဲ့တဲ့၇ နှစ်ကပြန်ပေးဆွဲခံလိုက်ရတဲ့ သူ့တူလေးဖြစ်ကြောင်း သက်သေနဲ့တကွရှင်းပြခဲ့ပါတယ်။ အဲဒီတော့ ရုတ်တရက်ရောက်လာတဲ့လူရဲ့စကားတွေက အမှန်ဖြစ်နေမလား။ ဒန်နီနဲ့အတူရှိနေတဲ့သူတွေက မိဘအရင်းတွေဟုတ်ပါ့မလား