j-hope IN THE BOX

ဒီမှတ်တမ်းရုပ်ရှင်မှာတော့ J-Hope ရဲ့ Chapter – 2 အစဖြစ်တဲ့ “Jack In the Box” အယ်လ်ဘမ်ခရီးစဉ်ကို ကြည့်ရမှာပဲ ဖြစ်ပါတယ်။ “ဒီအယ်လ်ဘမ်က ကျွန်တော့်အနုပညာအဆင့်ကို တစ်ဆင့်မြှင့်ပေးနိုင်လိမ့်မယ်” လို့ ပြောခဲ့တဲ့ မြင်နေကျ နားထောင်ဖူးနေကျ ပုံစံမဟုတ်တဲ့ ဒီ”Jack In the Box” က သီချင်းတွေရဲ့ ဖြစ်တည်မှုအစ၊ ပဲ့ကိုင်ရှင် J-Hope က Mainstream မဟုတ်တဲ့ ဒီလိုသီချင်းမျိုးတွေကို ဘယ်လိုအတွေးမျိုး၊ ခံစားချက်မျိုးနဲ့ ရဲတင်းစွာ ဖန်တီးခဲ့လဲဆိုတာကို ချဉ်းကပ်ကြည့်ရှုခွင့်ရမှာပါပဲ။“Jack In the Box” အယ်လ်ဘမ်နောက်ကွယ်က ဖြစ်စဉ်တွေအပြင် အားလုံးစိတ်ဝင်တစား မျှော်လင့်ခဲ့ကြတဲ့ J-Hope ရဲ့ အိမ်အပြန်ခရီး၊ Listening partyနဲ့ ဝက်ဝက်ကွဲခဲ့တဲ့ Lollapalooza ဖျော်ဖြေမှုရဲ့ နောက်ကွယ်ပိတ်ကားကိုပါ ကြည့်ခွင့်ရဦးမှာမို့ J-Hope ရဲ့ ပထမဆုံးတစ်ကိုယ်တော် ခရီးစဉ်အတွင်းက ပင်ပန်းမှု၊ ပျော်ရွှင်မှုတွေကို အတူတူ လိုက်ပါခံစားနိုင်မှာဖြစ်ပြီး၊ လက်မလွှတ်သင့်တဲ့ Documentary တစ်ခုဆိုတာ ငြင်းဖွယ်မရှိပါပဲ။