သော့ချက်စာလုံး Evil Clown

သွေးသံတရဲရဲသတ်ဖြတ်တာကိုမှကြိုက်တဲ့သူတွေအတွက်တစ်ချိန်ကနာမည်ကြီးခဲ့တဲ့ Terrifier ရဲ့အဆက်ဖြစ်တဲ့ Terrifier 2ထွက်ရှိ လာပါပြီ။ ဒီကားထဲကအဓိကလူသတ်သမားကတော့ 1 မှာအားလုံးသိခဲ့ရကြတဲ့ Art The Clown ဆိုတဲ့လူပြက်ပဲဖြစ်ပါတယ်။ ပထမ ပိုင်းမှာ သူကလူရှစ်ယောက်ကို သတ်ခဲ့ပြီးကျန်ခဲ့တဲ့ တစ်ယောက်ရဲ့မျက်နှာကလည်း လုံးဝကိုစုတ်ပြတ်သတ်နေခဲ့ပါတယ်။ သူက ဟောလိုးဝင်းမှာ လူတွေကိုသတ်ဖြတ်ခဲ့တာ ဖြစ်ပြီးတစ်နှစ်ကြာတဲ့အချိန်မှာ ပြန်ပေါ်လာခဲ့ပါတယ်။ အားလုံးကသူ့ကို သေသွားပြီလို့ ထင်ခဲ့ကြပေမဲ့ မထင်မှတ်ထားပဲပြန်ပေါ်လာပြီး နောက်ထပ်ဟောလိုးဝင်းမှာပဲ လူတွေကိုလိုက်သတ်ပြန်ပါတယ်။ ပုံမှန်လူသတ်ကား တွေထဲကလို သူ့ကိုတားနိုင်မဲ့သူရှိနိုင်မလား ဒါမှမဟုတ် သူကပဲအားလုံးကို အဆုံးသတ်သွားမလား ဆိုတာတစ်ကားလုံးကြက်သီးတွ ထပြီးကြည့်ရမဲ့ Thriller တစ်ကားပဲဖြစ်ပါတယ်။ ပါဝင်တဲ့သတ်ဖြတ်ခန်းတွေက အရမ်းကြမ်းတမ်းတဲ့အတွက် ကလေးများနဲ့ နှလုံး ရောဂါရှိသူများ မကြည့်ဖို့တော့ကြိုသတိပေးချင်ပါတယ်ဗျ။

ဒီကားဟာ အကောင်းစားကားကြီးတော့မဟုတ်ပါဘူး။ ဒါပေမဲ့ ကြည့်ကောင်းတဲ့ Horror ကားတစ်ကားဆိုလည်း မမှားပါဘူး။ ပြောရရင် ဒီကားက အရသာက ခင်ဗျားတို့ ကျွန်တော်တို့ ငယ်ဘဝကို လွှမ်းမိုးခဲ့ဖူးတဲ့ Supernatural အစောပိုင်းအရသာလိုပဲ။ Supernatural ဟာ နောက်ပိုင်းမှသာဘုရားသခင်တွေ တမန်တော်တွေ အပြိုင်စကြဝဠာတွေနဲ့ တစ်မျိုးတစ်ဖုံပြောင်းလဲလာခဲ့ပေမဲ့ စစချင်းအပိုင်းတွေကတော့ အရမ်းအကြမ်းပတမ်းကြီးမဟုတ်နေရင်တောင် Dark ဆန်ဆန်ပြပြီး Horror Thriller အရသာ အပေါ့စားကို ကောင်းကောင်းပေးသွားခဲ့ဖူးတယ်။ ဒီကနေပဲ ကျွန်တော်တို့တွေ စကြိုက်ခဲ့ကြတာမလား။ ဒီရုပ်ရှင်ဟာလည်း Supernatural အစပိုင်းရဲ့အရသာကို ပြန်သတိရချင်တယ်ဆိုရင် ကြည့်သင့်တဲ့ရုပ်ရှင်ပါပဲ။ ကယ်တင်ရှင်တော့မပါဘူးပေါ့။ ဒါပေမဲ့ နတ်ဆိုးတွေ နတ်ဆိုးကို သွားကစားတဲ့လူတွေနဲ့ သဘာဝလွန်ဟော်ရာကားပါပဲ။

စုန်းအတတ်ပညာသည်တွေဟာ ဒီလိုလှပပြီးဖွင့်ချင်စရာသိပ်ကောင်းတဲ့ သေတ္တာလေးတွေထဲမှာ နတ်ဆိုးတွေကို ထည့်ခဲ့ကြတယ်။ ချိုမြိန်တဲ့လက်စားချေခြင်းပေါ့။ ဒီသေတ္တာတွေဟာ ဖျက်ဆီးလို့လည်းမရဘူး။ သေတ္တာထဲမှာတော့ ကြောက်စရာကောင်းတဲ့ လူပြက်အရုပ်နဲ့တူတဲ့ မကောင်းဆိုးရွားကို ထည့်ထားကြတယ်။တစ်ယောက်ယောက်ကများ အဲဒီသေတ္တာကို ဖွင့်မိပြီဆိုရင် သေတ္တာထဲက မကောင်းဆိုးရွားဟာ လူ၆ယောက်ပြည့်အောင် သတ်ပြီးမှ သေတ္တာထဲပြန်ဝင်တယ်။အသက်တစ်သက်အတွက် သူက သေတ္တာထဲ ၃နှစ်အသက်ရှင်နိုင်တယ်။ တစ်ခါထွက်လာလို့စားပြီးရင် ၁၈နှစ်တိတိသေတ္တာထဲရှင်သန်နိုင်တယ်။ လူဆိုတဲ့ သိချင်စိတ်များတဲ့ သတ္တဝါတွေက အမြဲဖွင့်နေကြတော့ ဒီလူပြက်ဟာ ရာစုအဆက်ဆက် ရှင်သန်နိုင်ခဲ့တယ်။ သေတ္တာကိုဖွင့်တဲ့လူတွေကတော့ ဆုတောင်းပြည့်ကြတယ်ဆိုတယ်။ ဒါပေမဲ့လည်း ကြမ္မာငင်ကြတာပါပဲ။ဒီလိုနဲ့ ဒီသေတ္တာတွေဟာ သမိုင်းထဲ ပေါ်လိုက်ပျောက်လိုက်ဖြစ်နေရာက မြို့လေးတစ်မြို့က ပြတိုက်မှာပေါ်လာတယ်။ ပြောင်းလာတဲ့ပြတိုက်မှူးဟာ ဒီသေတ္တာကိုဖွင့်မိခဲ့တယ်။ နောက်ပိုင်း ဒီသေတ္တာထဲက မကောင်းဆိုးရွားအကြောင်း သူသိသွားတဲ့အခါမှာ မကောင်းဆိုးရွားကို တားဆီးဖို့ကြိုးစားတယ်။

A comedy/horror/fantasy series about two Scottish guys who are in one hell of a jam.