သော့ချက်စာလုံး Hand To Hand Combat

မင်းသားကြီး Denzel Washington ဆိုတာ ရုပ်ရှင်လောကထဲမှာတင်မက တခြားပြင်ပလောကတွေမှာပါ ဩဇာကြီးမားတဲ့ အနုပညာရှင်တစ်ဦးပါ ဒီလိုမင်းသားကြီးကို အသုံးပြုပြီး လောကကြီးရဲ့ တလွဲတွေကို ချိန်ညှိသူအဖြစ် ရိုက်ကူးထားတဲ့ The Equalizer ရုပ်ရှင်ကားတွေဟာ တကယ့်ထိပ်တန်း အက်ရှင်ဇာတ်ကားတွေပါပဲ နိုင်ရာစားလောကကြီးကို ကျွန်တော်တို့ မျက်မြင်မှာ လုပ်ငန်းခွင်တွေမှာ ဘဝတွေမှာ နေ့စဉ်မြင်တွေ့ ခံပြင်းနေကြမှာပါ ဒီလိုနိုင်ရာစားလောကကြီးကို တရားသဖြင့် ချိန်ညှိပေးမယ့်သူအဖြစ် Denzel Washington ကတကယ့်တရားသူကြီးတစ်ယောက်လို တည်ငြိမ်ရင့်ကျက်စွာသရုပ်ဆောင်ထားပါတယ်။ ထူးခြားတာကတော့ သူက လောကကြီးကို ချိန်ညှိဖို့အတွက် ရက်စက်ဖို့လဲ ဝန်မလေးတဲ့ယမမင်းတစ်ပါးလို လက်သံပြောင်သူအဖြစ် အားရစွာမြင်တွေ့ရမှာပါ။ The Equalizer 2014 ဇာတ်ကားမှာတော့ ပြည့်တန်ဆာမလေးအဖြစ် မင်းသမီး Chloë Grace Moretz လဲ ပါဝင်ထားပါတယ်။

Ethan Hunt နဲ့ သူ့ IMF အဖွဲ့သားတွေဟာ စစ်ဆင်ရေးတစ်ခု fail ဖြစ်သွားခဲ့ရာက အနုမြူဗုံးတွေ ရန်သူလက်ထဲ ရောက်၊ ကမ္ဘာ့လူသန်းပေါင်းများစွာ ထိခိုက်ကြတော့မဲ့ အရေးကို ကယ်တင်ဖို့အတွက် ခက်ခဲတဲ့ ရွေးချယ်မှုတွေ၊ စစ်ဆင်ရေးတွေနဲ့ ထပ်ရင်ဆိုင်ကြရပါတော့တယ်။

Matt Damon ရဲ့ နာမည်ကြီး The Bourne ဇာတ်ကားတွေရဲ့ ပထမဆုံးဇာတ်ကားပါ။ CIA အက်ရှင်ဇာတ်ကားကောင်းတစ်ကားပါ။ Rating တွေကတော့ IMDb (7.9/10) Rotten Tomatoes (83%) ထိရရှိထားတာဖြစ်တဲ့အတွက် ဘယ်လောက်ထိကောင်းမယ်ဆိုတာတော့ ကိုယ်တိုင်ပဲဆုံးဖြတ်လိုက်ကြပါ။

ကမ္ဘာမြေနဲ့ outworld ရဲ့ကြားမှာသိုင်းပညာရှင်ပြိုင်ပွဲတွေကျင်းပလေ့ရှိပါတယ် ဝိဉာဉ်စုပ်ယူသူကစားသမား ရှန်ဆောင်းဟာပြိုင်ပွဲမှာအနိုင်ရနိုင်ဖို့အတွက် ကမ္ဘာမြေကချန်ပီယံကစားသမားတွေကို လိုက်လံလုပ်ကြံသတ်ဖြတ်ပါတယ် ကိုးလ်ကတော့ MMAချန်ပီယံဟောင်းတစ်ယောက်ဖြစ်ပြီးတော့ မွေးရာပါနဂါးအမှတ်ပါတဲ့သူပါ ရှေ့ဖြစ်ဟောအရ ဟန်ဇိုဟာဆာရှီရဲ့မျိုးဆက်နဂါးအမှတ်ပါတဲ့သူဟာ ကမ္ဘာမြေကချန်ပီယံတွေကိုစုစည်းပြီးOutworld ရဲ့အောင်မြင်မှုကိုတားဆီးမှာပါဒါကြောင့်ကိုးလ်ဟာ ရှန်ဆောင်းရဲ့ပစ်မှတ်ဖြစ်လာပါတော့တယ် ကိုးလ်တစ်ယောက်သူ့ကိုလုပ်ကြံမှုကနေ လွတ်မြောက်နိုင်မလား ရှေ့ဖြစ်ဟောကရော တကယ်ဖြစ်လာမှာလား ဆိုတာကိုတော့ဇာတ်လမ်းထဲမှာဆက်လက်ကြည့်ရှုလိုက်ကြပါဦး ဇာတ်လမ်းပုံစံကထူးခြားတဲ့အပြင် အက်ရှင်ခန်းခပ်ကြမ်းကြမ်းတွေလည်း ပါတာမို့ အက်ရှင်ကြိုက်တဲ့သူတွေအတွက်မလွတ်တမ်းအားပေးသင့်ပါတယ်

မတ်ဒေမွန် (Matt Damon) က စီအိုင်အေ အေးဂျင့်ဟောင်း ဂျေဆန်ဘွန်း အဖြစ် သရုပ်ဆောင်ထားတဲ့ Jason Bourne ဆိုတဲ့ ရုပ်ရှင်ကို ရုပ်ရှင်ရုံမှာ အစိမ်းသက်သက် သွားကြည့်ရင် တစ်လုံးမှ နားမလည်ပဲ သွက်သွက်ခါ သွားနိုင်စရာရှိပါတယ်။၁-ဂျေဆန်ဘွန်း ဘာကြောင့် အသက်လုပြေးနေရတာလဲ ?၂-ဂျေဆန်ဘွန်းကို စီအိုင်အေ က ဘာကြောင့် တွေ့ရာသချုႋင်း ဓားမဆိုင်း လိုက်သတ်ချင်နေရတာလဲ ?၃-ဂျေဆန်ဘွန်း ပါဝင်ပတ်သက်ခဲ့ရတဲ့ အော်ပရေးရှင်းထရက်စတုန်း (Operation Treadstone) ရဲ့ လျှို့ဝှက်ချက် တွေကရော ဘာတွေလဲ ?၄-အော်ပရေးရှင်းဘလက်ခ်ဘရိုင်ယာ (Operation Blackbriar) ကရော ဘယ်လို ဘယ်လိုစစ်ဆင်ရေးမျိုးလဲ ?၅-တစ်ခါ အော်ပရေးရှင်းအောက်တ်ကမ်း (Operation Outcome) နဲ့ ပတ်သက်မိတဲ့ အေးဂျင့် အေရွန်ခရော့စ် ကပါ ဘာကြောင့် ခွေးပြေးဝက်ပြေး ပြေးနေရတာလဲ ?ဒါတွေသိထားမှ ဒီဇာတ်လမ်းကို ကြည့်လို့ နားလည်မှာ။ ဒါကြောင့် Jason Bourne ကိုကြည့်ချင်ရင် အရှေ့က ရုပ်ရှင်လေးကားကို အစဉ်အတိုင်း ကြည့်ဖို့ လိုအပ်ပါလိမ့်မယ်။

၁၉၉၀ ပြည့်နှစ်တွေတုန်းက အက်ရှင်ဇာတ်ကားအများစုရဲ့ ထုံးစံအတိုင်းပဲ အရှေ့အလယ်ပိုင်းက အစွန်းရောက်အကြမ်းဖက်သမားတွေဟာ ဒီရုပ်ရှင်ရဲ့ ဗီလိန်ပါပဲ။ ဒီအကြမ်းဖက်သမားတွေက ဂရိနိုင်ငံအေသင်မြို့ကနေ အမေရိကန်နိုင်ငံ ဝါရှင်တန် ဒီစီကို ပျံသန်းနေတဲ့ လေယာဥ်တစ်စီးမှာ လိုက်ပါလာပြီးတော့ လမ်းခုလတ်မှာ လေယာဉ်ပြန်ပေးဆွဲစီးနင်းလိုက်ပါတော့တယ်။ သူတို့က အမေရိကန်စစ်တပ် ဖမ်းဆီးထားတဲ့ သူတို့ရဲ့ခေါင်းဆောင်ကို ပြန်လွှတ် ပေးဖို့ လေယာဥ်ကိုပြန်ပေးဆွဲတယ် ပြောပေမယ့် ထောက်လှမ်းရေးအရာရှိ ဒေးဗစ်ဂရန့်( Kurt Russel) ကတော့ အဲဒီလိုမထင်ခဲ့ပါဘူး။ အဲဒီမှာ ဓားစားခံကယ်ဆယ်ရေး လုပ်ဆောင်မယ့် ဗိုလ်မှူး အော်စတင် ထရာဗစ် (Steven Seagal) နဲ့ပူးပေါင်းပြီး သူတို့ဓားစားခံတွေကို ဘယ်လိုကယ်တင်ကြမလဲ။ အကြမ်း ဖက်သမားတွေရဲ့ ရည်ရွယ်ချက်ကရော တစ်ခုတည်းပဲလား။ ဘယ်လိုတွေရော အသက်တွေရင်းပြီး ကယ်ဆယ်ရမလဲဆိုတာကို လိုက်ပါကြည့်ရှု့ရမယ့် ရုပ်ရှင်ဇာတ်ကားတစ်ခု ဖြစ်ပါတယ်။ ၁၉၉၀ ကျော်က အက်ရှင်ဇာတ်ကားကောင်းတွေ ကြိုက်နှစ်သက်သူတွေ တစ်ဖန်ပြန်ကြည့်ရှု့သင့်တဲ့ ရုပ်ရှင်တစ်ကားဖြစ်ကြောင်းကို အကြံ​ပြုလိုပါတယ်။

၂၀၁၁ ခုနှစ်မှာ ဗိုင်းရပ်စ်တစ်ခုက ကမ္ဘာ့လူဦးရေရဲ့ ၉၉ရာခိုင်နှုန်းကိုသေဆုံးစေခဲ့ပါတယ်။ သိပ္ပံပညာရှင်တစ်ယောက်ဖြစ်တဲ့ထရေဗာဂွတ်ချိုင်းလ် က ကုသနည်းကို တီထွင်ခဲ့ပါတယ်။ငါးသန်းသော အသက်ရှင်ကျန်ရစ်သူတွေက ကမ္ဘာမှာ တစ်ခုတည်းကျန်တဲ့မြို့ ဘရက်ဂ်နာမှာ နေထိုင်ကြပါတယ်။ဂွတ်ချိုင်းလ်ဟာ နှစ် ၄၀၀ လောက်အထိ အုပ်ချုပ်ခဲ့ပြီးနှစ်တွေကြာလာတာနဲ့အမျှ နိုင်ငံဟာ တဖြေးဖြေးနဲ့ ပြိုလဲလာပါတယ်။ဂွတ်ချိုင်းလ်အစိုးရဟာ လူပျောက်မှုတွေကို လစ်လျူရှူရုံတင်မကသူတို့ကို အာခံသူတွေကိုပါ သုတ်သင်ကြပါတယ်။ပြည်သူတွေဟာ သူတို့မတွေ့ကြုံဖူးတဲ့ ပုံရိပ်တွေ ခြောက်လှန့်တလည်း ခံစားနေရပါတယ်။ဒီတော့ ဂွတ်ချိုင်းလ်အစိုးရကို ဆန့်ကျင်ဖို့ မော်နီကန်ဆိုတဲ့လက်နက်ကိုင်ဆန့်ကျင်သူအဖွဲ့ ပေါ်ပေါက်လာခဲ့ပါတော့တယ်။